مع ان الشوارع كلها زباله ...وبرضو فى وش ربنا

أدخل للبيت  بسرعة وأنا بخلع شبشبي عند الباب عشان  أمي متزعليش .. واول ما ادخل :...... انتى يا بنت!»..... تشخط فيّ أمي: «إعدلى الشبشب».. دائما كنت أنفذ أمرها دون مناقشة ولكن المرة  دى سألتها: «ليه؟» فقالتلى  وهي بتشاور فوق: «عشان عيب كدة يبقي في وش ربنا» قلت: «حـاضر» وقمت أعدله. وحتى لو كنت مفهمتش ردها دى وانا عندى  10 سنين بس حسيت انه حاجة مهمه

اخرج بليل عشان ازور ارايب بابا وهو واخد معاه كيس الزباله عشان يرميه.. وعلي بوابة العمارة يبص حوله.. .. لا أثر لصندوق القمامة.. أخبره أنني كل يوم أجد الصندوق في مكان مختلف.. أو لا أجده أصلاً.. أبحث معه بنظري عن مكانه.. فأجده يجذبني من يدي: «يلا بينا»!.. أنظر ليده الأخري الخاوية.. ثم ألتفت وراءه لأجد الكيس الخاص بنا مستقراً بجوار بضعة أكياس أخري علي الرصيف المقابل..! أنظر له مندهشه. ثم أقتنع بهذا الحل السهل..

بعدها بأيام أخرج مع أبي ثانية.. ومعه كيس قمامة آخر.. يؤذي بصري منظر كومة القمامة التي تضخمت سريعا وقد نهشتها القطط.. سددت أنفي.. وجذبته من يده قبل أن ينفذ حله السهل: «بابا.. هو مش الزبالة دي عيب تبقي في وش ربنا برضه؟» أجابني: «بس يا حبيبتي.. هافهمك بعدين".. يغيظني رده.. أقف علي قدم واحدة وأتعلق بذراعه وأريه باطن الشبشب في قدمي الأخري... «بص شبشبي من تحت.. شكله مش بيبقي وحش ولا حاجة.. هو مترّب بس شوية.. بس مش وحش قوي زي الزبالة دي و.....» يتلفت حوله ويجذبني من يدي بقوة لأعتدل.. ونبتعد: «وطي صوتك.. وعيب  ترفعى رجلك في وشي كدة.. امشي وانت ساكتة» أصمت ويتجعد وجهي بعدم الفهم..

"إعدلى الشبشب يا بنت.. هو لازم كل مرة حد يقولك.. وبعدين إيه اللي أخّرك كدة؟» أنظر لها ولا أرد وأجري بسرعة إلي الحمام.. أغلق الباب.. وأفكر في الصندوق البعيد الذي مشيت إليه لألقي فيه كيس القمامة هذه المرة..

أنتظر حتي ينام الجميع.. أذهب إلي باب البيت.. أقلب كل أحذيتهم وشباشبهم.. وأترك شبشبي الصغير معدولاً.. أعود إلي سريري وأبتسم.. وأنام مطمئنه..

رايب يا حليب يامربرب

بجد بجد بجد الرجالة دول عقلهم " فسفس " ..
سايبين إنفلونزا الطيور وإنفلونزا الخنازير والزحمة والحنقة والغلا ، والعذاب والعيشة الهباب ، وقال رايحين يعملولي أبحاث علمية وتجارب سيكولوجية لإنقاذ الرجل من الوقوع فى الحب !
مع تحليل التغيرات الهرمونية التى تحدث فى جسمه ومع رصد المسارات الكهربائية التى تجري فى دماغه ومخه حين يتورط فى علاقة عاطفية قوية ، فيصير فجأة متيماً بإمرأة تملك عليه مشاعره وعقله وحياته وكلما رأها إنتفض من مكانه وصاح مثل فؤاد المهندس ( يا ست هانم من يوم ما شفتك ولهاليب الغرام قادت فى جتتي ..) أو يغنلها مثل عبد المطلب ( حبيتك وبحبك وهاحبك علطول ..)

يا خى حبك برص منك ليه له ، رجاله سايبة وخربانة صحيح ..ودماغها فاضية زى جيوبها ، هرمونات ايه يا جدع إنت وهو اللى بتتغير فى الدم ؟ هى الرجالة عندها دم يا جدع انت وهو

..ومع ذلك خلينا مع الكداب لغاية باب الهاوس ، وقالوا الجمل طلع النخلة ،أدي الجمل وأدي النخلة .
في جامعة ( لندن كوليدج) قاموا بعمل مسح لمخ الواقعين فى الحب من العشاق والمغرمين
وتبين بعد التجارب العلمية المتكررة أن الرجل العاشق يفقد عدداً من الدوائر الكهربائية فى
المخ أثناء الحب الشديد ( ال يعنى الحب بيسطله) ، لدرجة تفقده القدرة على توقع الأحداث أو التقدير السليم للعضلات ، حتى ولو كانت فى صورة مسائل حسابية ، ومن هنا يؤكد العلماء مقولة ( إن الحب أعمي)

ويؤثر على الاعصاب في الدماغ ، ويفقدها كفائتها المعتادة ، بخلاف تأثيره السلبي على الصحة العقلية العامة  مة بيلسع من الاخر، أما محرر الشئون الإجتماعية فى صحيفة ( الأوبزرفر ) البريطانية فقد أعلن على الملأ ، أن الحب مثل التدخين ضار جدا بالصحة ، ويتسبب أحيانا فى الوفاة .
وذلك بسبب ما ينتج عنه من هوس وتوتر وإكتئاب أو إنفعال زائد مع السهر وإختلال العادات اليومية والغذائية ، وعدم إنتظام ضربات القلب ، مما يشكل خطورة بالغة على سلامة الأوعية الدموية .
سلامة اوعيتك يا سيدى

ومن وجهة أخرى يؤكد العالم الأمريكي الشهير ( جون جراي )ايون بتاع كتاب الردالة من المريخ والنسوان من الزهرة أنه رغم خطورة الحب والغرام على صحة الرجل ، إلا أن رحمة الله الواسعة ، قد أوجدت لذلك علاجاً طبيعيا وحيداً وهو الملل بعد الزواج .

فعندما يتزوج الرجل من المرأة التى كان متيماً بها ويمضي الوقت
وبعد شهر

أو حتى سنين وفىوفى حالات متقدمة اسابيع – يكتشف الرجل فجأة أنه يشعر بالفتور يا صلاة النبى

والغربة  ياعينى ( يا حرام رجالة فاضية!!) وعلى راى اللى قال اثعب لما تحس بظلم وقهريمسيك بالخير يا تيموو

 وكأنه مخلوق من كوكب المريخ يعيش مع مخلوق أخر من كوكب زحل .

هذا بخلاف صنف أخر من الرجال يشعر بقوة أن النساء مخلوقات تم صنعها بإتقان من

" خميرة عكننة" صافية ومركزة وذات قوة قتل ثلاثية ، وأخيراً يضيف العالم ألمريكي ( جون جراي) قد يكون في ذلك الإجابة الشافية عن السؤال المعتاد ، عند الرجال
واللى هو لماذا تتحول الزوجات الجميلات بعد فترة من الزواج إلى صنف نادر من الشمبانزي !!!!!!!!!!!
شمبانزي فى عينك .. وقرد لما ينططك منك له .. علماء أخر زمن ورجالة قليلة الرباية .

لكن يكون فى معلومكم بقى ، وبالغيظة فيكم نفس التجارب التى أجريت على مشاعر الرجال ، إكتشفت أن الغرام والعشق يولدان فى الجسم هرمون اسمه " الروبامين "

وهو ده اللى بيخلي الحب موهوج ، والإحساس ملهلب ويخلى الرجالة تجيب فى دباديب

وتسبل فى عنيها زى الهبل ويسمع كلام الست ويقول أمين وشمال شمال ويمين يمين .

والخوف الوحيد والعدو الأكبر لهذا الهرمون السحري العجيب المسمى " بالروبامين" هو الملل بعد الزواج ..حيث رصدت الأبحاث تناقصة في جسم الرجل مع مرور الزمن ومرور الوقت ، ومع ذلك إكتشف العلماء أن الهرمون متوافر بشدة فى " اللبن الرايب " وممكن تعويض وجوده فى الجسم بشرب اللبن الرايب يومياً وبإنتظام ، يعنى كانت تايهة ولاقيناها .. عليكي وعلى اللبن الرايب ، وجوزك على ما تعوديه .. لحد ما يبقى زى الخاتم فى صباعك ، وعلى رأي المثل ( خديه من الصبح أجير ..وأخر الليل غفير ) وما تنسيش قبل ما ينام يحمى العيال ويحط الأكل للفراخ ويبيت على الكتاكيت ، ويكنس السلم ويمسح الشقة ويطبخ الطبيخ وينقع الغسيل وينفض السجاجيد ويحي العلم ، وقبل ما يدخل السرير يغسل رجليه ويشرب اللبن .. وبالشفا إن شاء الله .

واديها لبن ودنت ورى ..اة ولازم يكون رايب

رساله

الى عزيزى :

اللى مش قادر يصدق معنى اختلافى عنه  واللى بيدعى انه عارف حقيقة كيانى الانثوى وبيعتبر اى وقت او جهد بيقضيه فى محاولة الاقتراب منى وقت ضايع من عمره

الى  اللى حيتخنقه الزاوية الضيقة اللى شايف منها حياتى

بلييييييييييييييييييز

 احفظ خطوط صورتى فى خيالك واعرف تماما هى عامله ازاى وعشان نكون واضحين اعرف انت عايز تشوفها ازاى!!

قالب مرسوم مليان حيويه

  مجرد صوره كل الوانها الفاقعة  بتعمل تلوث بصرى لكل واحد ممكن يتخيلها 

 قالب مليان اضواء .

.مخلوق مليان بهجه  يبصب منها فى اماكن النقص

كائن ساكن  مبيعملش الا اللى بتأمره بيه  ومعندهاش اى فكرة عن ردود الافعال  من اى نوع

لو لقينا تعريف ليها فى عقلك فهى بالنسبة ليك فضاء  واسع كله شحنات كهربائيه ببتخانق مع بعضها وهتنفجر  ..وفى اعتقادك برضو ان الانفجار هيكون فى وشك وده لسبب واحد هو التنكيد على عيشة سيادتك ..

عقلها دوره بعضمة لسانك هو انها تعمل اى  مشكله والسلام من وجهة نظرك برضو تافهه عشان تسلى وقتها وتعكنن على جنابك بأى طريقه

الى اللى شايف ان فى تحرير عقلها  قيد حولين رقبته

الى اللى ألف منظومه كامله  من الخطايا والذنوب  تخصها هى بس ولا تمت بصله للعالم الطاهر المثالى الى بيعج بالقيم والمبادئ الافلاطونيه

الى اللى دايما رايه صح وابداعها فهو الخطيئه بعينها

الى اللى خوفه المزعوم عليها هروب من قدسية وجودها  خوفه من انها تضيع منك كل النعم اللى وضعها  الله فى تكوينها

دائرة الثقه بينك وبينها فيها جزء مفتوح فاكر انها مش واخده بالها منه

وهو اللى منه برضو بتتسرب شكوكك ..وينقلب كل شئ

عزيزى العاجز عن اظهار مشاعرك ان كان عندك مشاعر حقيقيه وبيعتبر كل تعبيرها عن مشاعرها مجرد نحنحه وتمثيل وحوارات

عزيزى اللى كل معتقداته عنى مجموعه من الامثال الشعبيه واللى اشهرها فى وسطه واكثر اسفزازا فى وسطى ( اللى خايف على معزته يربطها جنبه)

فاضل من كلامى سؤال بيزن فى دماغى زى الدبانه الرزله

يعنى لامؤاخذه وفقا لقوانين الطبيعه

ان كنت شايف انك بتحب معزه او حتتجوز معزه

اكيد المعزه دى لايمكن تنال شرف الجواز من كائن بشرى

بس فكر معايا شويه بغد اذنك ..

تقتكر المعزة ممكن تتجوز ايه؟