ناويه على ايه ان شاء الله

ناويه على ايه ان شاء الله ؟؟ ...سؤال وجيه اوى بسمعو كتير اليومين دول واحيانا بقيت بقراه كمان
رغم ان الناس اللى جابتنى للدنيا دى لحد دلوقتى مش حاطين فى دماغهم الموضوع ده يعنى زيهم زى بقيته اللى جابوكو برضو
بابا:اهم حاجه متئعدليش فى البيت انا مش ناقص وش
ماما : يووووووه ربنا يكرمك ياحببتى ببابن الحلال هى البنت برضو راحت ولا جت لازم تتكن فى بيت عدلها:(
وبالنسبه لعدلها ده اقل واجب اه يكون نازل من السما ومعاه شهاده ممضيه من اتنين ملايكه... ها هتسكتى ولا ازود عدد الملايكه
لا كفايه اتنين ياحجه
سيبونا من الموضوع اللى مش جايب همه ده المقصود بناويه على ايه هو هتعملى ايه فى حياتك يعنى مخططه لحاجه ولا سايبها كده
ارد بكل بساطه واقول اه انا سيباها عايمه
ليه بقى عشان العباقره فى مصر يتعدو على الصوابع يعنى اللى دخلو فى التعليم بتاعتنا وخرجو منه وهما لاسمح الله مستفدين
انما انا تقريبا دخلت فيه وخرجت يامولاىخلقتنى
طبيعى ان بعد ثانوى كان فى طموح وخصوصا ان اخر سنتين تعليم قبل الجامعه دول كنت بذاكر فيهم  وكان فى امل بقى ان اسلوب مذاكرة الجامعه مختلف لكن لللاسف هو نفس التفكير العقيم برضو فخرجت انا وشله عظيمه بعد ما اتنتورنا فى كلياتك وجامعاتك يا مصر وكلنا عندنا نفس الخيبه
يعنى اللى دخل مننا طب وحاليا لسه مخرجش 
 الناس : ناوي تتخصص ايه ؟
الصحاب : هنبقي نكشف ببلاش وش ,,صح ؟
الدكاتره : انتو هتبقو دكاتره انتو ,, ده أحنا كنا بنذاكر 48 ساعه في اليوم
الطلبه في الكليه : أحنا أمتي هنبتدي ندرس طب ؟
المرضي : أبو اللي دخلكو طب مع كام قلم علي قفاك لو المريض عصبي
الطلبه بعدالتخرج : أبو دي بلد بنت تييييييييييييييت

تتلخص حياه طالب طب :
الحاجه الوحيده اللي هتستفاد من الكليه فيها انك لما تيجي تبيع حاجه هتقول انها استعمال طبيب
ـــــــــــــــ
الناس : دول زي البياعين يا عم
الصحاب : و علي كده بقي هتبيع شامبو و صابون ؟
الطلبه في الكليه : أحنا دكاتره زي البشري و الاسنان
المرضي: ساعات بيفكرك دكتور ويجي الصيدله يسألك و انت مش عارف حاجه وبتفتي
الطلبه بعد التخرج : بيعدي ال 100 كيلو من كتر القعده في الصيدليه

تتلخص حياه طالب صيدله :
انه بيفضل 5 سنين يدرس في حاجات فكسانه بتعملها شركات الادويه في ربع ساعه من غير ما يحتاجوله
ــــــــــ
التقدم الوحيد اللي حققته كليات الهندسه في مصر :
أنها سبقت تجاره و بقت كليه الشعب
ـــــــــ
تتلخص حياه طالب أداب لغه عربيه :
انه مش فاهم حاجه من الحاجات اللي بياخدها بس كل اللي هو متأكد منه أن المعني في كرش الشاعر
تتلخص مأساه طالب حاسبات ومعلومات :
ان بره الطالب ممكن يعمل موقع عالمي زي الفيس بوك
هنا مشروع التخرج لعبه snake بتاعت التليفونات و بيسقطو فيه كمان
ــــــــــ
تتلخص حياه طالب تجاره :
في الكافيتريا وكورس ب 150 جنيه عند الدكتور عشان ياخد الامتحان
تتلخص حياه طالب اعلام صحافه :
انه بيفضل 4 سنين يدرس حاجات فكسانه عشان يعرف يكتب مقال !
في حين ان الموضوع كله مش محتاج غير سيجارتين حشيش و كوبايه شاي و المقال هيطلع زي الفل

ـــــــــــ
تتلخص حياه طالب علوم :
في اشتغاله أن احنا كليه العلماء
ــــــــ
تتلخص حياه طالب الطب البيطري :
علي فكره الدكتور البيطري أهم من البشري بس مش في البلد بنت تيييييييييييت دي
ــــــــــ
تتلخص حياه طالب زراعه :
و الله يا جدعان ما فيه حاجه اسمها زراعه قسم خراطيم
دى بالنسبه لنا لوكنا اتسالنا السؤال ده ناوين على ايه قبل ما نخلص دراسه 
يرد واحد ظريف علينا :امال فين هدفكو اقولو موجود عندنا كلنا هدف واحد اننا نسلم الشيت فى مكتب الدكتور عشان يعرف اننا اشترينا الكتاب