عارف انت؟؟....ايوه بقولك انت

_عارفه انتى دى احسن لحظه فى عمرى كله
_ليه يابنتى خير !!
_يااااه انتى مستهونه بده دى اخيرا  حلمى اتحقق 
_ايوه ايه بالظبط
_أنا 
دخلت 
الجامعاااااااااااااااااااااااااا وهبقى فى صيدله زيك
_hhhhhhhhhhhhhhhhhhhhhhhhhhh :)
_انتى بتضحكى على ايه؟؟!!
_أنا اللى بضحك على ايه ...انتى يااختى اللى فرحانه على ايه 
ومشيت وانا بضرب كف على كف
ودى كان حوار لطيف جدا بينى وبين واحده قريبتى اكن راى فيها لحد قبل الحوار ده انها غلبانه وطيبه 
وبعد الحوار انها هبله وعبيطه ومضحوك عليها
ايه مضحوك عليها ليه؟؟ايا السؤال العجيب ده!! اه ممكن تبقى زيها بقى لسه طالب ثانوى وكده متعرفش اللى فيها 
اقولك ايه بس .......
شوفت فيديو اليوتيوب " استاذ جامعة يقدم عرض لطلابه بطريقة احترافيه " ؟

لو كنت من طلاب الجامعات ,, أراهن ان تعليقك سيكون " أتفو علي ده تعليم " !!

أما لو كنت أحد طلاب الثانويه زى حالات اختنا دى ,,فالفيديو ده هيزود نار الشوق ياعينى اللى فى قلبك لدخول الجامعه  ,,  بس معلش يابيبى احب اقوك ابسلوتلى ايوه زى اللمبى كده وبالغه العربيه الفصحى يمكن العامى ميجبش معك 
العالم الذي تراه في الافلام و المسلسلات !!

عزيزي طالب الثانويه ,, مُضطر أحبطك ,, عارف أنت الجامعه اللي بتشوفها في الافلام ,, المدرجات النضيفه و الدكتور أبو بدله و الطلبه المُحترمين اللي قاعدين علي البنجات ؟

كل ده فوتوشوب ,, لالالا مش بتاع المجلس العسكرى  دى حقيقى وبجد فوتوشوب
عموما ححاول افهمك زى ما هفهمها الحقيقه العاريه لالا حقيقتين الاولنيه حقيقه الجامعه والتانيه حقيقه انك تدخل صيدله اصلا

خليك معاى انت الاول عارف أنت المدرج اللى بيطلع فى التلفزيزن ده ايوه اللى بيلمع ده ومعلهوش ذره تراب لالالا  ,, ده بيبقي مبني قديم جداا ,, ناقص يوقع علينا في المحاضره  ومدرج شلبى يشهد  ايوه بتاع سنه اولى ده!!
و البنجات اللي المفروض تقعد عليها ,, دي من أيام أمُك !! أيوه أمُك أنت ,, ف متستغربش لو لقيت اتنين حبيبه كاتبين " للذكري الهباب وأيام العذاب " و تحت تاريخ من أيام السبعينات !!

عارفه أنتي ,, أوقات هتلاقي سعه المدرج 400 مثلا و عدد الدفعه 1000 و اللي يلحق بقي او مثلا المعمل يساع 20 وانتو 100 اصلا وفى اربع كراسى فى العدد يعنى هتلعبو الكراسى الموسيقيه لحد الصبح
اه ...احب اطمنك
  متتوقعيش اي حركه جنتله من اي شاب  وخصوصا فى صيدله بالذات دى كليه تبلد المشاعير,, ما هو مش هيُقف 3 ساعات عشان جمال عيونك !! أولعي بجاز !!

عارف أنت لو الجامعه بتاعتك نضيفه شويه ,, هتلاقيهم جايبين تكيفات في المدرج ,, و فرحانين بيهم و بيشغلوهم في الشتا ,, ناس حافظه مش فاهمه  ولو مفيش تكيف يبقى مروحتين وبرضو بيشغلوهم فى الشتا عشان الدبان!!


عارف أنت ,, الكومبيوتر و الداتا شو اللي في المدرج ,, بتبقي أنواع تعبانه اخر 25 حاجه ,, ينطبق عليهم مقوله " كمل عليهم و أشتري علبه سجاير "
ودول لما بيعطلو ,, المفروض فيه شخص مسئول عن الحاجات دي ,,
الشخص ده بيبقي شغال بره و بيعتبر الكليه بيته التاني او سريره التاني علي وجه التحديد
بيجي الكليه يفطر و ينام و يرتاح أستعدادا للشغل التاني ,, ف متحاولش تزعجه لو حاجه عطلت و أعتمد علي نفسك !!

عارفه أنتى ,, الدكتور أبو بدله اللي بيحترم الطلبه ,, ده فوتوشوب زي ماقولتلك ,,
الدكتور طبقا لتركيبته النفسيه كان أحد أعضاء أول صفين وهو طالب و عنده عقده من الاوغاد اللي كانو بيتكلمو ورا و مش بيخلوه يفهم !!
العقده دي هيطلعها عليكو ان شاء الله !!

عارف أنت .. فيه دكاتره يزعقو و يقولك " مش عايز أسمع نفس و اللي هلمحه بيتكلم هيطرد "
عزيزي الدكتور ,, تعرف ان الجملتين دول كانو بيتقالو من أيام جدك ؟ ايوه جدك أنت !!

عارفه أنتى ,, فيه دكاتره هتذلك ان بيجي و يشرحلك ,, مع أنه بياخد مرتب و بيدفعله فلوس علي الحوار ده !!

عارف أنت ,, فيه دكاتره كده مُستفزه ,, يجبلك صُداع لما يتكلم !! ,, أحنا كان عندنا دكتوره ,, أراهن أنها في يوم من الايام هتطلق بسبب صوتها ,, صوتها عالي ,, مستفز ,, و غبي "صوتها يوقع الدهان من على الحيطان" !!

عارف أنت ,, فيه طلبه كتير بتحضر مش عشان تفهم ودول الحمد لله كنا  بنشوفهم نلف من الشارع التانى كنا بنحاول نبعد عنهم قدر الامكان عشان ميعدوناش وينشرو وبائهم !!
فيه طلبه بتحضر ,, عشان ترضي ضميرها وخلاص ودول كانو الحمد لله فى الشله يتعدو على الصوابع وبرضو كنا بنبعد عنهم زى النوع الاولنى خوفا من نقل عدوى الضمير الحى اللى عنته فى التلاجه من سنه اولى  !!
فيه طلبه بتحضر ,, كنوع من التغيير عشان زهقو من قعده الكافتيريا او القعده فى الشمس اهو برضو المدرج طراوه فى الصيف ودفى فى الشتا ودى مكناش بنعمله كتير فى فتره الجامعه كنا بنيجى قدام باب المدرج ونقول لا ياعم القعده بره اروق برضو   !!
فيه طلبه بتحضر عشان تألش ,, و من المفضل ان يوحي الالش بأيحاءات مش تمام ودى كنا بنلجئله لما النوع الاولنى يتصاحب على النوع التانى وياخدو بعض ويطلعو المدرج...رخامه عليهم وعلى غيرهم !!

عزيزي طالب\ه الثانويه ,, بقولك ايه,, اللي يقولك " ذاكر دلوقتي عشان ترتاح بعدين "
تف في وشه !! المستقبل مُظلم ,, و معدتش تفرق سونا من سونيا...دى عشان البنات  واحمد زى الحج احمد ..دى للولاد !!

خلص الكلام